ការគេងមានសារៈសំខាន់យ៉ាងខ្លាំងដល់សុខុមាលភាពរបស់យើង។ បើយោងតាមអ្នកឯកទេស មានមនុស្សដល់ទៅជាង70លាននាក់នៅសហរដ្ឋអាមេរិកដែលមិនបានគេងគ្រប់គ្រាន់ ហើយពេលវេលាទាំងនោះបូកបញ្ចូលគ្នាធើ្វឱ្យគេបាត់បង់ដំណេកកាន់តែច្រើនទៅៗ។ ដូច្នេះយើងគួរសង្គេតមើលថា តើនឹងមានអ្វីកើតឡើង បើអ្នកគេងមិនគ្រប់គ្រាន់។
ការហត់នឿយ
ការគេងមិនគ្រប់គ្រាន់អាចបណ្តាលឱ្យមានការនឿយហត់
អស់កម្លាំងដែលវាអាចប៉ះពាល់ដល់ផលិតភាពរបស់អ្នកពេញមួយថ្ងៃ។ ប្រសិនបើអ្នកមានអារម្មណ៍អស់កម្លាំងរលីងនៅពេលថ្ងៃរសៀល
នេះគឺជាសញ្ញាមួយដែលប្រាប់អ្នកអំពីការទទួលទានដំណេកមិនគ្រប់គ្រាន់ ឬអាចជាបញ្ហាដំណេកមួយផ្សេងទៀត។
អារម្មណ៍ប្រែប្រួល
យើងដឹងហើយថាការគេងមិនស្កប់ស្កល់នៅពេលយប់អាចបណ្តាលឱ្យយើងមានអារម្មណ៍មិនល្អនៅពេលព្រឹក។
ការស្រាវជ្រាវបង្ហាញថាការគេងមិនលក់ដែលមានលក្ខណៈរុំារ៉ៃបែបនេះ វាបណ្តាលឱ្យមានជំងឺផ្លូវចិត្តមួយចំនួនដូចជាជំងឺបាក់ទឹកចិត្ត
និងធុញថប់ក្នុងអារម្មណ៍ ហើយអ្នកដែលមានបញ្ហាគេងមិនលក់អាចប្រឈមមុខនឹងជំងឺបាក់ទឹកចិត្តទ្វេដង
បើប្រៀបធៀបទៅនឹងអ្នកដែលមិនមានបញ្ហានេះ។
បាត់បង់ការចងចាំ
ការទទួលទានដំណេកមិនគ្រប់គ្រាន់អាចនឹងប៉ះពាល់ដល់ការចង់ចាំ
និងពេលវេលាប្រតិកម្មរបស់អ្នកដែលបង្កឱ្យមានការភ្លេចភ្លាំងសូម្បីតែការងារដែលធ្វើជាប្រចាំក៏ដោយ។
ការសិក្សាបានបង្ហាញថាសិស្សដែលរៀនដល់យប់ជ្រៅមិនបានធ្វើបានល្អលើការប្រឡងរបស់គេនោះទេ
បើប្រៀបធៀបទៅនឹងសិស្សដែលមិនបានរៀនដល់យប់ជ្រៅ។ បើយោងតាមអ្នកឯកទេស
គេបានលើកឡើងថាខួរក្បាលអ្នកត្រូវការដំណេកដើម្បីទទួលនូវការចងចាំថ្មីៗទាំងនេះ។
លើសពីនេះទៀតការសិក្សាបង្ហាញថាការចូលគេងអនុញ្ញាតឱ្យខួរក្បាលរបស់អ្នកបញ្ចេញចោលនូវសារជាតិពុលដែលផ្តុំឡើងអំឡុងពេលពេញមួយថ្ងៃ
ដែលដំណើរការនេះត្រូវការពេល 7 ទៅ 8 ម៉ោងទើបចប់។
ការចុះខ្សោយនៃប្រព័ន្ធភាពសុំា
ការទទួលទានដំណេកមិនគ្រប់គ្រាន់អាចធ្វើឱ្យប្រព័ន្ធភាពសុំាំរបស់អ្នកចុះខ្សោយដែលធ្វើឱ្យអ្នកងាយកើតជំងឺ
និងពិបាកក្នុងការជាសះស្បើយឡើងវិញទោះបីជាអ្នកកើតជំងឺតូចតាចដូចជាគ្រុនផ្តាសាយក៏ដោយ។
នៅពេលដែលអ្នកចូលគេង រាងកាយរបស់អ្នកផលិតប្រូតេអ៊ីនម្យ៉ាងហៅថា Cytokines ដែលមានមុខងារក្នុងការដាស់ប្រព័ន្ធភាពសុំារបស់អ្នកឱ្យនៅដំណើរការ។
នៅពេលដែលអ្នកគេងមិនគ្រប់គ្រាន់ ពេលនោះរាងកាយអ្នកនឹងផលិតគ្រាប់ឈាមសវិញម្តងដែលវាបង្កឱ្យមានអតុល្យភាពនៅក្នុងប្រព័ន្ធភាពសុំា។
ការឡើងទម្ងន់
ការឡើងទម្ងន់លឿនអាចបណ្តាលមកពីការគេងមិនគ្រប់គ្រាន់។
វាធ្វើឱ្យមានការរំខានដល់កម្រិតអរម៉ូននៅក្នុងរាងកាយរបស់អ្នកដែលបណ្តាលឱ្យមានការស្រេកឃ្លាន
ស្រេ្តស និងអសម្ថភាពក្នុងការរក្សាទម្ងន់មួយដែលធម្មតាឱ្យបានរយៈពេលវែង។
វាក៏មានភាពពិបាកផងដែរសម្រាប់អ្នកដែលចង់សម្រកទម្ងន់
ព្រោះការសិក្សាជាច្រើនបានបង្ហាញថាអ្នកដែលគេងមិនគ្រប់គ្រាន់តែងតែបរាជ័យក្នុងការសម្រកទម្ងន់របស់ខ្លួន។
ស្ត្រេស
ជាទូទៅ
ការគេងមិនគ្រប់គ្រាន់បណ្តាលឱ្យអរម៉ូនស្រេ្តសរបស់អ្នកមានការកើនឡើង។
នៅពេលដែលអ្នកមានកម្រិតអរម៉ូនស្រេ្តសខ្ពស់
វាអាចបង្កឱ្យមានបញ្ហាសុខភាពជាច្រើនដូចជាការធុញថប់ក្នុងអារម្មណ៍ ការឡើងទម្ងន់
ការកើតជំងឺបេះដូង ភាពចាស់ និងបញ្ហាជាច្រើនទៀត។
ការគេងលក់ស្កប់ស្កល់មួយយប់អាចកាត់បន្ថយអរម៉ូនស្រេ្តសរបស់អ្នក
ហើយជួយសម្រាលនូវបញ្ហាទាំងនេះ។
បង្កើនហានិភ័យនៃជំងឺបេះដូង
ជាចុងក្រោយ
ការគេងមិនគ្រប់គ្រាន់អាចបណ្តាលឱ្យមានសម្ពាធឈាមខ្ពស់ដែលជំងឺនេះអាចធ្វើឱ្យអ្នកប្រឈមមុខនឹងជំងឺកាចសាហាវផ្សេងៗជាច្រើនទៀតដូចជាជំងឺទឹកនោមផ្អែមប្រភេទទី2
ជំងឺធាត់
និងចង្វាក់បេះដូងមិនប្រក្រតីដែលជំងឺទាំងនេះជាកាតាលីករមួយដែលធ្វើឱ្យអ្នកប្រឈមនឹងជំងឺបេះដូង។
ប្រភព៖ https://health.clevelandclinic.org/happens-body-dont-get-enough-sleep
