GUNZE Sports (Cambodia) Co., Ltd.: Home

កម្មវិធីហាត់ប្រាណរបស់ ហា្គន់ហ្សេ ស្ព័ត ជប៉ុន ត្រូវបានរៀបរៀងឡើងដោយតម្រូវតាមកម្រិតសុខភាពនិងភាពមាំមួនរបស់អ្នកហាត់។ មិនថាលោកអ្នកមានបំណងចង់បានរាងកាយមាំមួន បង្កើនសុខភាព ឬគ្រាន់តែចង់បញ្ចេញញើសនោះ លោកអ្នកអាចបំពេញតម្រូវការទាំងអស់នៅទីនេះ។

ត្រួតពិនិត្យរាងកាយ និងប្រឹក្សាយោបល់តាមរយៈឧបករណ៍ In-body

ស្វែងយល់ពីសុខភាពរាងកាយរបស់អ្នក (Fitness) តាមរយៈម៉ាស៊ីនវិភាគ In-body 270 ដ៏ទំនើប។ ធ្វើតេស្តត្រឹមតែមួយនាទីប៉ុណ្ណោះ លោកអ្នកនឹងអាចដឹងពីសមាសភាគរាងកាយ សមាមាត្ររវាងសាច់ដុំនិងជាតិខ្លាញ់ កម្រិតភាពធាត់ និងការវិភាគ Segmental Lean។
ការធ្វើតេស្តនេះនឹងកំណត់នូវ៖

កម្រិតម៉ាស ជាតិខ្លាញ់ និងសាច់ដុំ
កម្រិតជាតិទឹក សារធាតុចិញ្ចឹម និងសារធាតុរ៉ែក្នុងរាងកាយ
កម្រិតភាពធាត់
ទីតាំងដែលខ្វះ ឬលើសសាច់ដុំ/ជាតិខ្លាញ់
អតុល្យភាពរវាងផ្នែកទាំងសងខាងរបស់រាងកាយ (ឧទាហរណ៍៖ អតុល្យភាពរវាងសាច់ដុំខាងស្តាំដៃ នឹងខាងឆ្វេងដៃ)
និងការវិភាគជាច្រើនទៀត។

អ្នកឯកទេសផ្នែកសុខភាពរបស់យើង នឹងប្រើប្រាស់លទ្ធផលនេះដើម្បីរៀបរៀងកម្មវិធីហាត់ប្រាណពិសេសដាច់ដោយឡែកពីគ្នាសម្រាប់អ្នកហាត់ប្រាណម្នាក់ៗ និងជួយឲ្យលោកអ្នកឆ្ពោះទៅរកគោលដៅសុខភាពដែលអ្នកប្រាថ្នា។ ជាមួយនឹងហ្គាន់ហ្សេ ស្ព័ត ជប៉ុន សុខភាពរបស់លោកអ្នកស្ថិតក្នុងដៃរបស់អ្នកជំនាញ៕

ក្លឹបហាត់ប្រាណ

ទីតាំងហាត់ប្រាណរបស់យើង ត្រូវបានបំពាក់ដោយឧបករណ៍ទំនើបៗជាច្រើន។ វាជាទីកន្លែងដ៏ល្អបំផុតសម្រាប់លោកអ្នកដែលចង់បានរាងកាយរឹងមាំនិងស្រឡូន តាមរយៈការប្រើប្រាស់កូនបាល់ទម្ងន់ (Medicine Balls) ដុំដែកគ្រប់ប្រភេទ ម៉ាស៊ីន Resistance (resistance machines) និងឧបករណ៍ហាត់ប្រាណដទៃទៀតជាច្រើន។

*សំគាល់៖ បើកជូនចំពោះតែលោកអ្នកដែលមានអាយុចាប់ពី១៣ឆ្នាំឡើងទៅតែប៉ុណ្ណោះ។

កម្មវិធីស្ទូឌីយោ

Radical Power
Radical Power មិនគ្រាន់តែជាការលើកដុំដែកប៉ុណ្ណោះទេ។ វាគឺជាការហ្វឹកហាត់ផ្នែកកម្លាំងលក្ខណៈឯកទេស ដែលត្រូវបានបែងចែកជា៤ប្រភេទថ្នាក់ដាច់ដោយឡែកពីគ្នា ដែលហៅថាអាល់ហ្វា បេតា ហ្គាម៉ា និងដែលតា។ ថ្នាក់នីមួយៗ ផ្តោតលើប្រភេទនិងទីតាំងសាច់ដុំផ្សេងៗគ្នានៅលើរាងកាយ ដោយមានគោលដៅរួមក្នុងការពង្រឹងកម្លាំង ភាពធន់ បណ្តឹងសាច់ដុំ និងកាត់បន្ថយកាល់ឡូរី។

ហ្វៃដូ
ហ្វៃដូ ត្រូវបានចងក្រងឡើងដោយយកលំនាំតាមមូលដ្ឋានគ្រឹះនៃកីឡាប្រដាល់ និងយុទ្ធគុនផ្សេងៗទៀតជាច្រើន។ កីឡាមួយនេះ បង្កើតនូវភាពរីករាយសម្រាប់អ្នកហាត់ តាមរយៈក្បាច់ដ៏ច្រើនដូចជា ក្បាច់វ៉ៃ ទាត់ រង និងការឡើងជង្គង់ជាដើម។ ថាមពលដែលប្រើប្រាស់៖ ៦០០ ទៅ ៨៤០ កាល់ឡូរីក្នុងមួយវគ្គ។

យូហ្គា
Yoga Therapy: កើតចេញពីការរួមបញ្ចូលគ្នារវាងលំនាំហាត់ប្រាណផ្នែកជំហ ដំណកដង្ហើម និងការសមាធិ។ ទម្រង់យូហ្គាមួយនេះ ជួយបង្កើនសុខភាពផ្លូវកាយ និងផ្លូវចិត្តសម្រាប់អ្នកហាត់។

Dynamic Yoga: ជាទម្រង់យូហ្គាដែលមានលក្ខណៈរហ័សនិងមានភាពរលូន ធ្វើឲ្យរាងកាយនិងផ្លូវចិត្តរបស់អ្នកហាត់មានភាពខ្លាំងក្លាជាងមុន ពោរពេញដោយថាមពល និងមានសុខភាពល្អ។

Yoga Balance: បង្កើនលំនឹងដល់ផ្នែកទាំងអស់នៃរាងកាយរបស់អ្នកហាត់ (កំភួនដៃ ក្បាល ឆ្អឹងជំនីទ្រូង ឆ្អឹងត្រគាក ភ្លៅ និងផ្នែកដទៃទៀត) តាមរយៈលំនាំហាត់ប្រាណដែលផ្តោតលើលំនឹង និងទីប្រជុំទម្ងន់របស់រាងកាយ។

Stretching Yoga: បង្កើនសមត្ថភាពក្នុងការបត់បែនខ្លួន ការធ្វើចលនា និងកាត់បន្ថយភាពតឹងណែននៃសន្លាក់។

Gentle Yoga: ជាទម្រង់យូហ្គាដែលសាកសមបំផុតសម្រាប់អ្នកហាត់ប្រាណកម្រិតដំបូង បុគ្គលដែលមានបញ្ហាផ្នែកចលនា និងបុគ្គលដែលមានការតឹងណែនផ្នែកសន្លាក់ (ដោយសារការហាត់ប្រាណបានតិចតួច)។ វាគឺជាទម្រង់យោហ្គា ដែលមានភាពស្រទន់ យឺត និងផ្តល់នូវអារម្មណ៍ស្រស់ស្រាយសម្រាប់អ្នកហាត់។

Hatha Yoga: : រួមផ្សំរវាងអាសាណា (asana) និងប្រាណាយ៉ាម៉ា (pranayama) ដើម្បីផ្តល់ជូនអ្នកហាត់នូវភាពស្រស់ស្រាយទាំងផ្លូវកាយ និងផ្លូវចិត្ត។ វាជាទម្រង់យូហ្គាដ៏ស្រទន់និងមានលក្ខណៈយឺត សាកសមសម្រាប់អ្នកហាត់ប្រាណកម្រិតដំបូង។

Hot Yoga: ជាលំនាំយោហ្គាមួយបែប ដែលរួមផ្សំគ្នារវាងការធ្វើចលនាដង្ហើម នឹងលក្ខខណ្ឌហ្វឹកហាត់ក្តៅ និងសើម ដើម្បីជួយដល់អ្នកហាត់ក្នុងការបង្កើនការបត់បែនខ្លួន (Flxibility)។

អាងហែលទឹក

អាងហែលទឹករបស់យើង គឺមានភាពសាកសមបំផុតសម្រាប់ទាំងកុមារនិងមនុស្សពេញវ័យ។ ថ្នាក់បង្រៀនហែលទឹកសម្រាប់មនុស្សពេញវ័យ ណែនាំពីការហែលទឹកបែបសេរី ដើម្បីបង្កើនទំនុកចិត្ត បច្ចេកទេស និងសមត្ថភាពរបស់លោកអ្នក។

តើកីឡាហែលទឹកផ្តល់អត្ថប្រយោជន៍អ្វីខ្លះសម្រាប់លោកអ្នក?

បង្កើនចង្វាក់បេះដូង ដោយមិនប៉ះពាល់ដល់រាងកាយរបស់លោកអ្នក
ធ្វើឲ្យសាច់ដុំហាប់ណែន បង្កើនភាពអំណត់ និងជួយដល់ចលនាចរន្តឈាមក្នុងបេះដូង
ទទួលបានទម្ងន់ បេះដូង និងសួតដែលមានសុខភាពល្អ
ធ្វើឲ្យសាច់ដុំហាប់ណែន និងបង្កើនថាមពល
ជាលំហាត់ប្រាណដែលប្រើប្រាស់ផ្នែកទាំងអស់នៃរាងកាយ
កាត់បន្ថយភាពតានតឹង ធ្វើឲ្យជំហរឹងមាំ បង្កើនលំនឹងរាងកាយ និងបង្កើនការបត់បែនខ្លួនប្រាណ